تحذير هام جدا لكل لمن لديه غاز طبيعي في بيته

لسلام عليكم ورحمة الله وبركاته

ازيكم يا قمرات , يارب تكونوا بخير وبأحسن حال

معلشي أنا أسفة اني هزعجكم شوية

بس حسيت ان من واجبي أحذركم علشان تاخدوا بالكم

وياريت كل واحدة فينا تحذر أي حد تعرفه يكون موصل غاز طبيعي في بيته

خلاصة الموضوع ان صاحبتي المقربة اتصلت بيا وحزتني ان فيه 2 أو أكتر

بيعدوا علي البيوت اللي فيها غاز ويقولوا انهم من الصيانة الدورية للشركة

وانهم هيعملوا صيانة للعداد علشان التسرب وبيطلبوا 17 جنيه

وبيروح واحد فيهم مغلف العداد بقطعة مشمع وهية دي الصيانة

وكمان معاه كارنيه عليه ختم النسر علشان قال ايه الأمان , ابن صاحبتي قال

للراجل أنا ممكن أجيبلك مليون كارنيه عليهم ختم النسر دلوقتي حالا وزي اللي معاك

فالراجل ارتبك وقالهم طيب هنرجع تاني تكونوا فكرتم طبعا علشان يهرب ويمشي

بعدها كل اللي في العمارة اتصلوا بشركة الغاز الطبيعي ( غازمصر ) فقالولوهم

ان مفيش صيانة دورية بفلوس واحنا موش مطلعين حد مع عندنا يعمل حاجة

طبعا القصة بالنسبالي موش ال 17 جنيه , المهم هنا ان معظمنا عنده العداد

ممكن في المطبخ أو داخل الشقة يعني اللي هيدخل هيشوف مين ساكن

والعدد أد ايه ولو حد لوحده علشان يرجعله تاني يسرقه أو يأذيه وبرضه يسرقه

أنا مكدبشي عليكم سمعت كلامها واترعبت جدا خصوصا لما لقيت جارتي بعد يوم

بتقولي نفس القصة وبتسألني جم عندك ولا لأ , أنا كنت بره البيت اليوم ده ومعرفش

هل جم رنوا الانتركم ولا لأ لأن سكان بيتي حوالي 2 لأني موش ساكنة عي عماره

وجاري معندوش غاز طبيعي علشان كده ممكن يكونوا رنوا عليا أنا بس

أنا أسفة للاطالة واني صدعتكم بس حبيت أنصحكم لوجه الله تعالي

وعلي فكرة الموضوع ده حصل في اسكندرية يعني ممكن تكون عصابة منظمة وبيروحوا كل المحافظات

ربنا يرحمنا برحمته ويحفظنا جميعا من كل شر ويارب الأيام القاسية دي تعدي علي خير

دمتم في أمان الله جميعا

شكرااااااا

ربنا يسترها ولسه ياما هيحصل في مصر

ربنا يستر والله انا فعلن خفت من الكلام دة الواحدة بقيت بتسمع اشكال والوان فى التفنن فى السرقة ربنا يستر ويعديها على خير الايام الصعبة دى

جزاكى الله كل خير

شكرا على التحذير