تتبيل الفراخ

مقادير التتبيلة



كوب زبادى
ملعقة كاتشاب
بهارات
ملعقة خل
ملعقة صويا صوص
ربع ملعقة ثوم مفرى
بصلة مفرية
ورق لورى
روز مارى
مستكة
حبهان
سماق
ملح بسيط
ملعقة مايونيز
ملعقة سكر صغيرة


طبعا باقلب الخليط كويس
وبادهن الفراخ كويس جدا وتحت الجلد
وبأتركها ساعة


ملحوظة ممكن تعملى الخلطة دى وتحفظيها فى الفريزر
وتستخدميها عند الحاجة
وممكن تتبلى الفراخ وتحفظيها فى نايلون وتتركيها فى الفريزر
وتطلعيها عند الطهى
طريقة التحضير:

نضع الفراخ فى صينية بنفس التتبيلة
ونتركها على نار هادئة
هتنزل مياهها وتشربها
ولو لو إحتاجت ماء باضيف نصف كوب ماء
بس أنا ما أحتاجتش
وبعد ثلث ساعة نزيد الشعلة عليها شوية لمدة من 5 إلى 10 دقائق
ثم ندخلها الفرن 5 دقائق ونخرجها
ولكن لم تنتهى الخطوات بعد
فى هذه الأثناء نكون أشعلنا فحمة
ونحضر طبق معدنى أو فويل ونضع فيه
ربع ملعقة سمن أو زبد
ونضع الطبق فى صينية الفراخ ثم نضع الفحمة ونضع الغطاء على صينية الفراخ ونفتح الصينية عند التقديم
وبالهنا والشفا