علاقتك بحماتك أيام الخطوبه

السلام عليكم ورحمة الله وبركاته
اهلا بأحلى بنوتات في احلى منتدى ( الموضوع ده حصري فقط على بنات توب)
"ايااااااااااااااااام الخطوبه احلى ايام " دايما بنسمع العباره دي من كل المخطوبات ، ليه هي احلى الايام ؟؟؟؟
مممم يمكن عشان الخروجات ؟ ولا عشان الهدايا ؟؟ ولا يمكن عشان الرومانسيه ورسائل الحب ؟؟؟؟ ولا عشان في شخص جديد دخل حياتي وبدأ يهتم بيا ومعاملته ليا مختلفه عن معامله بابا وماما واخواتي؟؟؟
حاجات كتير ، تختلف من فتاه لأخرى ، بس نيسنا ان فتره الخطوبه زي ما هي احلى فتره كمان دي اهم فتره في حياتنا إللي جايا ، عارفين ليه ؟؟
اقولكم ليه ....اي عماره علشان تتبني لازم يكون الاساس بتاعها يستحمل الادوار إللي هاتطلع ، يعني مثلا انا هابني عماره 20 دور فمش معقوله الاساس هايكون لدورين بس ،لأ طبعا كده لااااااااااااااااااااااااااازم العماره تقع .
هي فترة الخطوبه كده إذا اتأسست صح هاترتاحي في حياتك الزوجيه طول العمر
النهارده هانتكلم في * علاقتك بحماتك أيام الخطوبة*
* اول حاجه لازم تقرئي وتسألي اهل العلم ( مامتك ، اختك الكبيره خالتك ..... كده يعني ) عشان تعرفي إيه إللي ليكي وإيه إللي عليكي
* اوووووووووووعي تصدقي كل حاجه بتحصل حواليكي من كلام بعض السيدات إللي اتجوزوا ، وخصوصا الكلام إللي بيتعرض في التليفزيون من افلام ومسلسلات ان ام زوجك ستكون عدوتك
* تفائلي بالخير دايما وقولي لنفسك " انا مش زي حد ، انا مختلفه" وده مش غرور ولا إعجاب بالنفس ، لا لا لا لا لا انتي كده بتهئي نفسك إنك بعون الله وتوفيقه إنك تخلي علاقتك بأم زوجك علاقه مختلفه ، علاقه محبه وتفاهم.
* بلاااااش تقيسي إللي تشوفيه او تسمعيه من احداث حقيقيه ومشاكل حصلت فعلا قدامك من بعض الزوجات ان المشاكل دي هاتحصل معاكيوده عشان كل إنسان يختلف عن التاني في الظروف المحيطه بيه
* خلي نيتك من الاول انك هاتحسيني إلى ام زوجك وانك هاتجتهدي في التقرب ليها وتعتبريها مامتك
* لاااااااازم تكزن نيتك في التقرب إلى حماتك خالصه لوجه الله تعالى ، وتستنيش اي رد منها على معاملتك الكويسه ليها ، عشان ميضعش الثواب
*اسألي إللي بتثقي في دينهم عن أهل خطيبك عن طباعهم عشان تعرفي تتعاملي معاهم ومتحصلش صدامات في المستقبل
* توجهي إلى الله بالدعاء بأن يحببك إلى أهل زوجك ، وخاصة ام زوجك ،ويحببهم إليكي،وخلي دايما الدعاء ده سلاحك في السراء والضراء ، في الرضا و الغضب " بس لاش ربنا يخليكي لما تكوني زعلانه من حماتك تدعي عليها انه يحصلها حاجه لا لا لا انتي تدعي ان ربنا يهديها عليكي ، اللهم بلغت اللهم فاشهد"
* اخيرا اي حد يقولك بإنك لازم تكوني قوية الشخصيه امام أم زوجك واهله عشان محدش يدوسلك على طرف ، اعرفي على طول ان دي نصيحه هاضرك بالعكس هما قدامك هايكونوا كويسين معاكي لكن من وراكي الله اعلم هايقولوا عليكي ايه
في الاخر افتكري انك في يوم من الايام إن شاء الله هاتكوني حماه فإللي هاتعمليه في حماتك حلو او وحش هايترد لك
دمتم في حفظ الرحمن
*