بمناسبة ان شهر رمضان فاضل عليه شهر
ومش عايزين الشهر يخلص ف تحضير الاكل والحاجات دي
فممكن نخزن حاجات تساعدنا ف رمضان للاكل
زي مثلا المشمش انا جبت 5ك وفصصتهم وسلقتهم وعبيهم ف اكياس بس عصير مركز وهطلعه ان شاء الله واضربه ف الخلاط واحط سكر وماية اخففه بيها
وفي طرق تانية يتفصص ويتسلق معاه سكر ويتضرب ف الخلاط ويتكيس وكده يكون جاهز بس يفك ويتشرب عالطول
ورق العنب اسمع ان الاسبوع ده موسم التخزين بنجيب ورق العنب وبنرصه فوق بعضه ويتسلق ونسيبه اما يتصفا ويبرد خالص ونحطه ف كيس وع الفريزر بس نحاسب لو اتكسر
وايه كمان الفراولة
حاجات كتيييييير ياريت كل واحدة تدخل تقولنا ايه البروجرام بتاعها ف رمضان وبدأت ولا لا؟؟
اه صحيح الطماطم سعرها تحفة ناو
انا جبت وضرتهم ف الخلاط وكيستهم وبطلعهم ع الفجر يفكوا واعمل الاكل عادي بس انا سيباهم لرمضان بأذن الرحمن
الثلاثاء 3 ديسمبر - 17:56 من طرف 
اليومية
موضوع: تخزيين بعض الاصناف لرمضان كل سنة وانتم طيبين