القطنه مبتكدبش!!!

السلام عليكم يا بنات
عرفت طريقه شنيعه ومريعه لتنظيف اثار الصدأ والطلاء والصابون المتراكم فى
الحمامات او بعد ما نجدد البيت مثلا والدهانات والجير وانتى فى الاخر تغلبى
فى تنظيف اثار التجديد والتوضيب
الخلطه دى عرفتها من اخويا ربنا يكرمه وجربها ادامى لقيتها كانها سحر
بقطعه قماشه بدون دعك ولا سلك ولا حاجه بيقولى كان بيشوف الصنايعيه بتنظف
اثار الطلاء بيها بس انا جربتها فى الصدا واثار الصابون وخلت الحمام روعه
معلش استحملونى رغايه صح؟؟؟؟؟؟
المهم حاخش فى الموضوع الخلطه هى
كميه من البنزين (بتجيبيه من اى بنزينه ) والكميه انتى اللى تحدديها على اساس المكان اللى حتنظفيه ومساحته
كميه مساويه لها من الكيروسين (الجاز)
كميه من ماء النار المخفف (تلاقيها فى زجاجات عند محلات الحدايد والبويات ودى متخوفش ما بتحرقش ولا حاجه )
كميه من السبرتو
كميه صغيره من صابون منظف زى جنرال او غيره
كميه من الميه
واوعى تحطى كلور لانه بيتفاعل وبيطلع ابخره خانقه (عن تجربه اكتر من مره كنت حاتخنق بسبب التجارب دى)
المهم حطيتى كميات متساويه فى حاجه كده حطى ايشارب على انفك احتياطى عشان الروائح ولو انها امنه انا جربتها وابدئى بسم الله
تعالى على مكان البقعه وامسحى مره او اتنين بقماشه وشوفى النتيجه القطنه مبتكدبش!!! Mood25

وعلى فكره تنفع فى تلميع الاوكر والمقابض واى شئ معدنى فى المنزل
القطنه مبتكدبش!!! SFun_banana

والنتيجه نظافه ولمعان ما حصلش والقطنه ما بتكدبش!!!!!!!!!!!!!!!!

بنوتة حبوبة 46 19/06/2012

جزاكي الله كل خير
هي ابله نظيفه عمرها ما تقول حاجه غلط فرحانه