طريقة عمل عجينه البيتزا للشيف يسري

البيتزا بطريقة جديدة من الشيف يسرى
ان شاء الله تجربوها وتعجبكم
مقادير عجينة البيتزا : كيلو دقيق - كوب زبادى -2ملعقة كبيرة لبن بودر - ملعقة كبيرة سكر - ملعقة كبيرة خميرة - ملعقة كبيرة ملح - 3 ملاعق زيت زيتون - ماء للعجن
مقادير صوص الطماطم : كيلو طماطم - 2ملعقة زعتر فريش او ناشف - 2 عدد ورق لورا - بصلة - 2 فص ثوم - ملعقة روزمارى فريش او ناشف - لتر ماء
طريقة الصوص : نضع لتر ماء على النار ونضع فية الروزمارى والطماطم الصحيحة والبصل والثوم والزعتر وورق اللورا ونسيبها على النار لحد ما تستوى خالص نشيل الطماطم من الماية ومعها البصلة والثوم و نفرمها فى الخلاط لحد ما تنعم خالص ناخدها ونصفيها كويس
طريقة عجينة البيتزا : نضع الدقيق فى العجانة وبعدين نجيب ملعقة الخميرة ونذوبها فى شوية ماء فاتر وملعقة السكر ونقلبهم مع بعض كويس ونضعها على الدقيق وبعدين نضع الزبادى واللبن البودر والزيت ونعجنهم مع بعض لمدة دقيقة وبعد كدة ننزل عليه بالملح وبعدين ننزل عليها بالماية شوية شوية لحد ما تلم العجينة مع بعضها ونعجنها كويس وبعدين نلمها على بعضها ونقطعها 8 قطع اذا كانت صينية صغيرة و6 قطع اذا كانت كبيرة ونرصها على صينية ونغطيها ونسيبها تحمر من ساعة الا ربع الى ساعة وبعد كدة نفردها ونضعها فى صينية مرشوشة بالدقيق ونضع عليها صوص الطماطم ونفرده كويس وبعدين نضع على الصوص جبنة موتزاريلا وبعد كدة نضع التوبينج زى ما احنا عايزين ممكن بالجبنة اوبالخضار او بالسى فود وندخلها الفرن على الرف اللى فالنص على درجة حرارة 200 لمدة من 10 : 15 دقيقة وبالهنا والشفا

هجربها نفسى تتظبط معايا العجيبنة جننتنى